Awit ni Canuplin

Sa hirap at sa ginhawa
Ako'y iyong kasama
Bituing mapagpala ang gagabay sa 'ting dalawa
At kahit na malayo pa o maglaho ang sinag
Ako'y tapat sa'yo, kaibigan ko't kadaup-palad

Tayo nang gumaod sa bangka
At damhin ang tubig sa mukha
Lasapin ang simoy ng hangin
Magpahanggang-libing
Magpahanggang-libing

Ipaghehele tayo ng lagaslas ng mga alon
Iduduyan sa ihip ng hanging dagat
At tatanglawan ng mga bituing
Mapagpala sa langit
Haharapin natin ang mahabang gabi.


Canuplin (Philippine Educational Theater Association, 1980)